Energetika

Nazir: Azərbaycan 2030-cu ilə qədər 2,7 GVt gücündə külək və günəş stansiyaları tikəcək

Azərbaycan nümunə göstərməkdə davam edir.

Azərbaycan 2030-cu ilə qədər ümumi gücü 2,7 GVt olan külək və günəş elektrik stansiyaları tikməyi planlaşdırır.

Crossmedia.az xəbər verir ki, bunu II Bakı İqlim Fəaliyyəti Həftəsinin (BİFH) ikinci günü çıxışı zamanı Azərbaycanın energetika naziri Pərviz Şahbazov deyib.

Onun sözlərinə görə, bu addım ölkəmizdə bərpa olunan enerji mənbələrinin quraşdırılmış gücünü üç dəfə artıraraq 4 GVt-a çatdıracaq və 3,2 milyon ton istixana qazı emissiyasının qarşısını alacaq.

Nazir qeyd edib ki, növbəti iki il ərzində 2 QVt bərpa olunan enerjini idarə etmək üçün 250 MVt gücündə və 500 MVt saxlama həcminə malik akkumulyator sistemləri ilə birlikdə şəbəkəyə 10 yeni elektrik stansiyası inteqrasiya olunacaq.

"Bu stansiyalardan biri olan 240 MVt gücündə “Xızı-Abşeron” Külək Elektrik Stansiyasının noyabrda istifadəyə verilməsi nəzərdə tutulur", - Pərviz Şahbazov vurğulayıb.