Məzahir Pənahovun oğlu keçmiş həyat yoldaşının əmlakını geri qaytaracaq
Mərkəzi Seçki Komissiyasının sədri Məzahir Pənahovun oğlu Məhəmməd Pənahov keçmiş həyat yoldaşına 300 min manatlıq əmlakı qaytarmalıdır.
Crossmedia.az xəbər verir ki, bir neçə ay əvvəl H. Pənahova həyat yoldaşı Məhəmməd Pənahov tərəfindən fiziki zorakılığa məruz qaldığını bildirərək məlumat yaymışdı.
Daha sonra, Pənahovun oğlunun etirazına baxmayaraq, məhkəmə cütlüyün boşanmasına qərar verdi.
Lakin o zaman evlilik zamanı əldə olunmuş əmlak məsələsi hələ həll olunmamışdı. H. Pənahova apellyasiya müraciəti edərək 300 min manat dəyərində zinət əşyaları, bahalı xəz paltolar və digər geyimlərini geri ala bilmədiyini bildirib.
Məhkəmə onun əmlak tələbini haqlı hesab edib və Məhəmməd Pənahovdan 300 min manatlıq əmlakı çıxararaq keçmiş həyat yoldaşına qaytarılması barədə yeni qərar çıxarılıb.
Nicat Rüstəmzadə
11:04 18.09.2025
Oxunuş sayı: 1212
