“Çıraq-1” və “Çıraq-2” KSES-də istehsal olunan elektrik enerjisinin həcmi açıqlanıb
Tərtər çayı üzərində yerləşən“Çıraq-1” və Qaraarxac çayı üzərindəki “Çıraq-2” kiçik su elektrik stansiyalarında indiyədək 91,4 mln. kVt-saat elektrik enerjisi istehsal olunub.
Bu barədə Crossmedia.az Azərbaycan Respublikası Energetika Nazirliyinə istinadən xəbər verir.
Məlumata görə, stansiyalar 2023-cü ilin 25 avqust tarixində istismara verilib.
Məlumata görə, ümumi gücü 8,33 MVt olmaqla, hər biri 4,165 MVt gücündə 2 ədəd hidroaqreqatdan ibarət basqılı derivasiya tipli “Çıraq-1” KSES-də istismara verildiyi tarixdən iyulun 1-dək 51 mln. kVt-saat elektrik enerjisi istehsal edilib.
“Hər biri 3,0 MVt gücündə 2 ədəd hidroaqreqatdan ibarət ümumi gücü 6 MVt olan basqılı derivasiya tipli “Çıraq-2” KSES-də isə bu ilin iyul ayınadək 40,4 mln. kVt-saat elektrik enerjisi istehsal edilib”, - məlumatda qeyd olunur.
Bildirilir ki, kiçik su elektrik stansiyalarında ekoloji cəhətdən təmiz yaşıl enerji istehsal olunur.
11:44 25.08.2025
Oxunuş sayı: 5692
