"Telegram" 2025-ci ildə bloklanmış məzmunun miqdarına görə rekorda imza atıb
Mesencerin rəsmi saytındakı statistik məlumata əsasən, 20.9 milyondan çox kanal silinib. Platforma yaradılandan bəri belə bir rəqəm qeydə alınmayıb.
Crossmedia.az xəbər verir ki, xüsusilə, intensiv moderasiya iyulun 27-də müşahidə olunub, bir gündə xidmət qaydalarını pozan 402 mindən çox kanalı bloklayıb. Cari ilin pik göstəricisi fevralda qeydə alınıb - bir gündə 490 minə yaxın kanal silinib, iyulun 3-də isə moderatorlar 314 mindən çox kanalı bağlayıblar.
Bloklanma dinamikasında kəskin artım müşahidə olunur: iyulun əvvəlində silinmiş kanalların sayı 16.3 milyon olsa da, növbəti ay yarım ərzində bu rəqəm 4 milyon artıb.
17:02 13.08.2025
Oxunuş sayı: 6601
