Ermənistan Zəngəzurda Azərbaycan sərhəd-keçid məntəqələri ilə bağlı təklifi qəbul edib
Politoloq Stepan Danielyanın sözlərinə görə, Ermənistan Azərbaycanın Sünik vilayətinə giriş və Azərbaycan tərəfinə çıxış nöqtələrində Azərbaycan sərhəd-keçid məntəqələrinin qurulması təklifini qəbul edib.
Crossmedia.az xarici mətbuata istinadən xəbər verir ki, təklifə əsasən, bütün prosedurlar Azərbaycan gömrük əməkdaşları tərəfindən həyata keçiriləcək, məlumatlar toplanaraq Ermənistana ötürüləcək.
Danielyan bildirib ki, erməni gömrük əməkdaşları orada heç bir əməliyyat aparmayacaq, Ermənistan nəzarət həyata keçirməyəcək və bu hissədən keçən azərbaycanlılara qarşı tədbir görülməyəcək. Onun fikrincə, bu, praktik olaraq həmin ərazi üzərində Ermənistanın suverenliyinin olmaması deməkdir. Lakin Ermənistan hakimiyyəti ölkənin suverenliyinin qorunduğunu iddia edir.
Pərvin Hacıyeva
15:49 13.08.2025
Oxunuş sayı: 1526
