Bakının Binə qəsəbəsində işıq kəsiləcək
Bu gün Bakının Xəzər rayonunun Binə qəsəbəsinin bir sıra
hissələrində elektrik enerjisinin verilişində fasilə yaranacaq.
Crossmedia.az xəbər verir ki, bu barədə "Azərişıq"
ASC məlumat yayıb.
Məlumata görə Xəzər Rayon Enerji Təchizatı və Satışı İdarəsinin
(RETSİ) ərazisində yerləşən Binə qəsəbəsinin bəzi hissələrində avqustun 5-də təmir
işləri ilə əlaqədar güc artımı nəzərə alınıb, müəyyən yarımstansiyalarda təftiş
işləri aparılacaq.
Bununla əlaqədar olaraq saat 10:00-dan saat 13:00-dək Binə
Atçılıq və Binə Bolluq adlanan yaşayış massivlərində elektrik enerjisinin
verilişində məhdudiyyət yaranacaq. İşlər yekunlaşdıqdan sonra sözügedən ərazilər
daha keyfiyyətli elektrik enerjisi ilə təmin olunacaq.
09:51 05.08.2025
Oxunuş sayı: 1116
