Yazıçının qalmaqallı bəyanatları tədbirlərinin ləğvinə səbəb oldu
Yazıçı Dina Rubinanın Özbəkistan, Qazaxıstan və Gürcüstanda nəzərdə tutulan çıxışları onun “Dojd” telekanalına verdiyi qalmaqallı müsahibədən sonra ləğv edilib.
Crossmedia.az xarici mətbuata istinadən xəbər verir ki, efirdə Rubina bildirib ki, İsrailin “fələstinliləri duz turşusunda əridib yox etməyə” və “Qəzzanı təmizləyib parkinqə çevirməyə” haqqı var. Onun sözlərinə görə, Qəzzada “dinc sakin yoxdur” və guya İsrailin “hamını məhv etməyə haqqı çatır”. O həmçinin əlavə edib: “Bəlkə də kimisə şoka salıram… Qoy olsun”.
Bu fikirlər bir sıra ölkələrdə narazılıq dalğasına səbəb olub və bundan sonra təşkilatçılar Daşkənd, Almatı və Tbilisidəki tədbirlərin ləğvi qərarını veriblər.
Pərvin Hacıyeva
13:21 03.08.2025
Oxunuş sayı: 6982
