“Beşiktaş” “Kocaelispor” sınağına çıxır
Türkiyə Super Liqasının VII turunda bu gün “Beşiktaş” doğma meydanda “Kocaelispor”u qəbul edəcək. İstanbul təmsilçisi qarşıdakı həftə “Trabzonspor”la keçirəcəyi oyun öncəsi qələbə qazanaraq əhvalını yüksəltməyi hədəfləyir.
Crossmedia.az xəbər verir ki, bu barədə Türkiyə mediası məlumat yayıb.
“Tüpraş” stadionunda keçiriləcək qarşılaşma Bakı vaxtı ilə saat 20:00-da başlayacaq. Görüşün baş hakimi Abdullah Buğra Taşkınsoy olacaq.
Çempionatda ardıcıl üç qələbə qazanan “Beşiktaş” daha sonra “Amedspor”a məğlub olub. Komanda “Kocaelispor” üzərində qələbə qazanaraq növbəti turda “Trabzonspor”la qarşılaşmaya itkisiz çıxmaq istəyir.
İstanbul klubunun futbolçusu Milot Rasiça sağ budunun yuxarı əzələsində gərilmə və qanaxma aşkarlanması səbəbindən bugünkü oyunda istirahət edəcək.
Orkun Kökçü isə bu görüşdə sarı vərəqə alacağı təqdirdə növbəti turda “Trabzonspor”a qarşı meydana çıxa bilməyəcək.
12:18 11.10.2026
Oxunuş sayı: 55
