“Real Madrid” qalib gəldi, Vinisius Junior qırmızı vərəqə aldı
İspaniya La Liqasının VI turunda “Real Madrid” doğma meydanda “Vilyarreal”ı 1:0 hesabı ilə məğlub edib. Qarşılaşmada Vinisius Juniorun ləğv edilən qolu və aldığı qırmızı vərəqə diqqət çəkib.
Crossmedia.az xəbər verir ki, bu barədə xarici media məlumat yayıb.
“Real Madrid”ə qələbə qazandıran qolu Yan Diomande vurub. 125 milyon avroya transfer edildiyi bildirilən fil Diomande komandanın heyətində ilk qolunu qeydə alıb.
Görüşün 72-ci dəqiqəsində Vinisius Junior rəqib qapısına yol taparaq hesabı 2:0-a çatdırsa da, VAR müdaxiləsindən sonra qol ləğv edilib.
Epizodu araşdıran hakim Vinisius Juniorun qol vurmazdan əvvəl rəqib futbolçunun saçını çəkdiyini müəyyənləşdirib və braziliyalı hücumçuya birbaşa qırmızı vərəqə göstərib.
Qərardan sonra meydanda gərginlik artıb. “Real Madrid”in məşqçilər heyətinin üzvləri də hakimlərin etirazına səbəb olan qərar ətrafında mübahisəyə qoşulublar.
11:56 11.10.2026
Oxunuş sayı: 55
