Rusiya Azərbaycanla hava və dəmir yolu əlaqələrini dayandıra bilər
Rusiya Dövlət Dumasının MDB işləri üzrə komitəsinin sədr müavini, azərbaycanofobiya fikirləri ilə tanınan Konstantin Zatulin bildirib ki, Rusiya Azərbaycanla hava və dəmir yolu nəqliyyatını dayandıra bilər.
Crossmedia.az xəbər verir ki, bu barədə xarici KİV məlumat yayıb.
Məlumata görə, Zatulin, bu addımın səbəbi kimi Azərbaycanda bəzi rus şəhərlərinin adlarının dəyişdirilməsi praktikasının yayılmasını göstərib. Zatulinin fikrincə, bu, Rusiya üçün qeyri-dost yanaşmadır.
Bildirək ki, bu açıqlama, TASS agentliyinin "Stepanakert" toponimini istifadə etməsi və Azərbaycanın buna sərt reaksiya verməsi fonunda səsləndirilib.
Qeyd edək ki, "Stepanakert" — sovet dövründəki toponimdir və Azərbaycanda onun işlədilməsi yolverilməz hesab olunur.
Fatimə Məmmədova
16:17 02.08.2025
Oxunuş sayı: 6091
