Deputat: Aİ-nin QHT-lərə ayırdığı pullar siyasi məqsədlərə xərclənir
Macarıstanlı Avropa Parlamenti üzvü Çaba Dömötör Avropa Komissiyasının 2019–2023-cü illərdə QHT-lərlə 17 milyard avro dəyərində 37 minə yaxın müqavilə imzaladığını açıqlayıb.
Crossmedia.az xəbər verir ki, bu barədə xarici KİV məlumat yayıb.
Deputat deyib ki, bu pulların çoxu vətəndaş təşkilatlarına yox, liberal siyasi qruplara verilib. Onun fikrincə, bu təşkilatlar Brüsseldən asılıdır və konservativ hökumətlərə qarşı fəaliyyət göstərirlər.
Dömötör bu maliyyələşdirməni "demokratiyaya zidd" adlandırıb və bu sistemin məhdudlaşdırılmasını təklif edib. O, həmçinin bildirib ki, bu təşkilatların bir çoxu fermerlərə ayrılan pullar hesabına dəstəklənir.
Qeyd edək ki, “Vətənpərvərlər” qrupu gələcəkdə Aİ-dən maliyyə alan media və digər təşkilatların da şəffaflığını araşdırmaq niyyətindədir.
Fatimə Məmmədova
16:06 02.08.2025
Oxunuş sayı: 5509
