Rusiyada məktəbli miqrantlara qarşı sərt çağırış: “Rus uşaqları qorunmalıdır”
Rusiyada Liberal Demokrat Partiyasının (LDPR) sədri Leonid Slutski məktəbli miqrantların törətdiyi hüquqazidd əməllərin gizlədilməsinə qarşı çıxaraq, bu halların məktəb rəhbərləri tərəfindən açıq şəkildə ictimailəşdirilməsini təklif edib.
Crossmedia.az xəbər verir ki, bu barədə xarici KİV məlumat yayıb.
Slutski hesab edir ki, azyaşlı miqrantların rus uşaqlarına qarşı təzyiqləri artır:
“Rus uşaqlarına qarşı hüquqazidd hərəkətlərin sayı artır. Sosial şəbəkələrin monitorinqi də bunu göstərir. Təəssüf ki, bəzi məktəb rəhbərləri nüfuzlarını qorumaq üçün bu hadisələri gizlədir. Nəticədə bu uşaqlar cəzasız qalır və özlərini toxunulmaz hesab edirlər”, – deyə siyasətçi LDPR-in Teleqram kanalında bildirib.
O, məktəb direktorları üçün belə hallarla bağlı konkret addımların qeyd olunduğu metodik göstərişlərin hazırlanmasını təklif edir.
Leonid Slutski bu məsələ ilə bağlı Rusiya Federasiyasının təhsil naziri Sergey Kravtsova rəsmi müraciət ünvanlayıb.
Fatimə Məmmədova
16:02 02.08.2025
Oxunuş sayı: 814
