Paşinyan seçkiyə hazırlaşır – Zəngəzurda “qapıların açılması” bəyan edildi
Ermənistanın baş naziri Nikol Paşinyan prezident Vaagn Xaçatryanı fəal şəkildə siyasi proseslərə cəlb edir və seçkilər öncəsi ictimai rəyin öyrənilməsi ilə məşğuldur.
Crossmedia.az xəbər verir ki, bu barədə “Joqovurd” qəzeti məlumat yayıb.
Məlumata görə, Paşinyanın göstərişi ilə prezident Xaçatryan ölkənin müxtəlif bölgələrində vətəndaşlarla seçkiyönümlü görüşlərə başlayıb. Belə ki, turun ilk dayanacağı hazırda əsas əhəmiyyət daşıyan bölgə – Sünik (Zəngəzur) olub.
Həmçinin, Xaçatryan burada qalmaqallı açıqlama verərək “Sünik qapılarının açılacağından” danışıb.
Qəzet yazır ki, siyasi imici hələlik zədələnməmiş prezidentə vətəndaşlarla təmas qurmaq rolu verilib. O, cəmiyyətin əhval-ruhiyyəsini və hakimiyyətə münasibəti öyrənməli, daha sonra bu məlumatları Paşinyana təqdim etməlidir.
Fatimə Məmmədova
15:59 02.08.2025
Oxunuş sayı: 781
