Türkiyə-Suriya Təbii Qaz Boru xəttinin açılış mərasimi keçirilir
Türkiyə-Suriya Təbii Qaz Boru xəttinin açılış mərasimi keçirilir.
Crossmedia.az xəbər verir ki, açılış mərasimində Azərbaycanın iqtisadiyyat naziri Mikayıl Cabbarov, Qətər İnkişaf Fondunun prezidenti Fahad Hamad Al-Sulaiti, Suriyanın energetika naziri Məhəmməd Əlbəşir və Türkiyənin enerji və təbii sərvətlər naziri Alparslan Bayraktar edib.
Açılış mərasimində Azərbaycanın iqtisadiyyat naziri Mikayıl Cabbarov kı, kəmərin istifadə verilməsi birgə əməkdaşlığın nəticəsidir: "Suriya özünün bərpa prosesinə addım atır. Azərbaycan və Türkiyə bu prosesə töhfə verir".
Qeyd edək ki, boru xətti ilə gündəlik 3,4 milyon kubmetr qazın ötürülməsi planlaşdırılır. Suriyanın Energetika Nazirliyinin Korporativ əlaqələr şöbəsinin rəhbəri Əhməd Süleymaninin mediaya açıqlamasına görə, Türkiyə üzərindən Suriyaya çatdırılan Azərbaycan qazı ölkədə elektrik enerjisi istehsalını artıracaq.
Belə ki, tədarük edilən həcm Hələbdəki təbii qaz stansiyasında elektrik istehsalı məqsədilə istifadə olunacaq. Stansiyanın1200 meqavat elektrik istehsal edəcəyi proqnozlaşdırılır. Bununla da hazırda Suriyada istehsal olunan elektrik miqdarı təxminən iki dəfə artırılacaq. Suriyada günlük 3-4 saat davam edən elektrik təchizatı bu istehsalla 10 saata qədər qaldırılacaq.
Elektrik dəstəyi yalnız təbii qazla məhdudlaşmır. Türkiyə Suriyanın şimalına elektrik ixracatını da artırmağı planlaşdırır. Mövcud xətlərlə Suriyaya 280 meqavat elektrik enerjisinin verilməsi nəzərdə tutulur. (Teleqraf)
11:30 02.08.2025
Oxunuş sayı: 785
