Messi dubl etdi, karyerasının 1000-ci qoluna yaxınlaşdı
Argentina millisinin formasını sonuncu dəfə geyinən Lionel Messi klub karyerasında qollarını sıralamağa davam edir. Təcrübəli hücumçu MLS-in 28-ci turunda “İnter Mayami”nin “DC Yunayted” üzərində 4:0 hesablı qələbəsində dubl edib.
Crossmedia.az xəbər verir ki, bu barədə xarici media məlumat yayıb.
Qarşılaşmada meydan sahiblərinin digər qollarını 3-cü və 39-cu dəqiqələrdə Luis Suares vurub. Messi isə 47-ci və 60-cı dəqiqələrdə fərqlənərək komandasının qələbəsində mühüm rol oynayıb.
Bu qollarla argentinalı futbolçu cari mövsümdə MLS-də vurduğu qolların sayını 23-ə çatdırıb və bombardirlər yarışında liderliyini qoruyub. Messi karyerası ərzində vurduğu qolların sayını isə 934-ə yüksəldərək 1000 qol həddinə bir qədər də yaxınlaşıb.
Qeyd edək ki, Messi ötən çərşənbə axşamı Buenos-Ayresdə Benin yığmasına qarşı keçirilən yoxlama oyununda Argentina millisinin heyətində 126-cı və son qolunu vuraraq milli komanda karyerasını başa vurub.
Klub karyerasını davam etdirən 39 yaşlı ulduzun “İnter Mayami” ilə müqaviləsi 2028-ci il dekabrın 31-dək qüvvədədir.
17:18 11.10.2026
Oxunuş sayı: 49
