“Yüksəliş” müsabiqəsinin suallarının necə hazırlandığı açıqlanıb
“Ümumi biliklər”, “Analitik təhlil” və “İdarəetmə bacarıqları” imtahanlarının sualları “Yüksəliş” İşçi Qrupu ilə Dövlət İmtahan Mərkəzinin əməkdaşlığı çərçivəsində hazırlanır. Hər bir imtahanın özünəməxsus məqsədi var və bu məqsədlərdən irəli gələrək suallar beynəlxalq qəbul olunmuş relevantlıq və etibarlılıq meyarları əsasında tərtib olunur. Hazırlanmış suallar müvafiq ekspertiza mərhələsindən keçir və keyfiyyətə ciddi nəzarət həyata keçirilir.
Bunu Crossmedia.az-a geniş müsahibəsində "Yüksəliş" müsabiqəsinin işçi qrupunun rəhbəri, gənclər və idman nazirinin müavini Fərhad Hacıyev deyib.
“Təbii ki, “Yüksəliş” İşçi Qrupu yalnız konseptual yanaşmanı formalaşdırmaqla kifayətlənmir. İşçi Qrupu həmçinin sualların hazırlanmasında birbaşa iştirak edir və onların müsabiqənin məqsəd və dəyərlərinə uyğunluğunu təmin etmək üçün keyfiyyətə nəzarət funksiyasını yerinə yetirir. Dövlət İmtahan Mərkəzi isə bu prosesdə metodoloji və texniki ekspert kimi çıxış edir. Düşünürük ki, bu əməkdaşlıq modeli hər iki tərəfin güclü tərəflərini bir araya gətirərək yüksək keyfiyyətli və obyektiv qiymətləndirmə mühiti yaradır”, - o bildirib.
Müsahibənin tam versiyasını aşağıdakı linkdən oxuya bilərsiniz:
https://crossmedia.az/az/article/39192
Kənan Novruzov
11:35 02.08.2025
Oxunuş sayı: 862
