Ermənistanda sabiq polis generalına qarşı əmlak müsadirəsi tələbi irəli sürüldü
Ermənistan Baş Prokurorluğu, Dövlət Mühafizəsi Baş İdarəsinin keçmiş rəisi Aram Zaqaryanın əmlakının müsadirəsi ilə bağlı məhkəməyə iddia qaldırıb.
Crossmedia.az xəbər verir ki, bu barədə yerli KİV-in məlumatı verib.
Məlumata görə işə Antikorrupsiya Məhkəməsində baxılacaq.
Prokurorluq Yerevanda yerləşən iki daşınmaz əmlak obyektinin, bir hüquqi şəxsə məxsus payın və 14,2 milyon dram (təxminən 37 min ABŞ dolları) pul vəsaitinin dövlət xeyrinə müsadirəsini tələb edir.
Məlumata əsasən, Aram Zaqaryan bu ilin iyun ayında istintaq çərçivəsində Baş Prokurorluqda dindirilib.
O, eyni zamanda digər bir cinayət işi üzrə də ittiham olunur. İstintaq versiyasına görə, o, vəzifəsindən sui-istifadə edərək tabeliyində olan əməkdaşa sahibkarlardan mütəmadi olaraq pul toplamağı və həmin vəsaitlərin bir hissəsini ona verməyi tapşırıb.
Qeyd edək ki, Zaqaryan 2016–2018-ci illərdə, Serj Sarqsyan hakimiyyəti dövründə sözügedən vəzifəni tutub.
Xumar Emilqızı
20:50 01.08.2025
Oxunuş sayı: 1266
