Energetika
“Azərişıq”: Xətai rayonunda enerji təchizatında yaranan fasilə hissə-hissə bərpa olunur
Bakının Xətai rayonunda elektrik enerjisinin təchizatında yaranan fasilə hissə-hissə bərpa olunur.
Bu barədə Crossmedia.az "Azərişıq" ASC-yə istinadən məlumat verir.
Bildirilib ki, Xətai rayonunda “Radiozavod” adlanan ərazidə yeraltı kabel xətlərində zədələnmə var: “Buna görə də bir neçə küçədə işığın verilişində fasilə yaranıb. Problem hissə-hissə həll olunur”.
Qurumdan həmçinin qeyd edilib ki, hazırda elektrik enerjisinin təchizatında fasilə yaranan 6-7 bina qalıb ki, onlar da yaxın yarım saat ərzində işıqla təmin ediləcək.
16:08 03.05.2025
Oxunuş sayı: 10584
