KİV: "İmamoğlunun həbsi Türkiyənin və regionun siyasi dinamikasını dəyişdirə bilər"
- İstanbul Böyükşəhər Bələdiyyəsinin (İBB) sədri Ekrem İmamoğlunun gözaltına alınması Türkiyə siyasi səhnəsində böyük bir səs-küyə səbəb olub. Dünya mediası, xüsusilə də Rusiyanın dövlətə məxsus RT media qurumu, bu hadisəni diqqətlə izləyir və onun siyasi təsirlərini analiz edir. RT-də dərc edilən analizlərdə İmamoğlunun gözaltına alınmasının Prezident Rəcəb Tayyib Ərdoğan tərəfindən "riskli bir oyun" kimi qiymətləndirildiyi iddia edilir.
Crossmedia.az xəbər verir ki, Moskvanın Rusiya Xalqlar Dostluğu Universitetinin professoru Fərhad İbrahimovun Rusiya "Today" (RT) üçün yazdığı yazdığı məqalədə bildirilib. İmamoğlunun gözaltına alınmasının Ərdoğan hökuməti tərəfindən “önləyici bir tədbir” kimi həyata keçirildiyi qeyd olunur. O, İmamoğlunun son zamanlarda iqtisadi böhranın artdığı bir dövrdə erkən seçkilər üçün çağırışlar etdiyini və bunun da hökuməti narahat etdiyini vurğulayır.
İmamoğlunun populyarlığı təkcə dünyəvi seçicilər arasında deyil, həm də bəzi mühafizəkar və kürd seçicilər arasında artmaqdadır. Analizlərdə onun gözaltına alınmasının "populyarlığını daha da artırabiləcəyi" ehtimalı da irəli sürülür. Bu hadisə yalnız müxalifəti birləşdirməkdə deyil, həm də Türkiyə cəmiyyətində narazılıq yaratmaqda böyük rol oynaya bilər.
İmamoğlunun gözaltına alınması bölünmüş müxalifət qüvvələrini bir araya gətirə bilər. Bu addım Ərdoğanın siyasi mübarizədəki ən güclü rəqibini zərərsizləşdirməyə çalışmasıdır, lakin bunun uzunmüddətli perspektivdə siyasi gərginliyi və xalq arasında narazılığı artıracağı ehtimal edilir.
RT-də dərc edilən analizdə, həmçinin, İmamoğlunun gözaltına alınmasının, hərəkətə keçən müxalifət tərəfindən daha güclü bir reaksiyaya səbəb olacağı və bunun gələcək prezident seçkiləri üzərində mühüm təsirə sahib ola biləcəyi vurğulanır.
Avropa ölkələri İmamoğlunun gözaltına alınmasına “demokratiya” çağırışı ilə reaksiya verərkən Rusiya hökumətinin bu məsələyə reaksiyası fərqli olub. Kremlin sözçüsü Dmitri Peskov bu hadisə ilə bağlı “Başqa ölkələrin daxili işlərinə qarışa bilmərik” deyə açıqlama vermişdi.
İmamoğlunun gözaltına alınması qısa müddətdə Türkiyədə siyasi mübarizənin daha da gərginləşəcəyinə işarə edir. Ekonomik böhranın dərinləşdiyi bir dövrdə, xalq arasında artan narazılıq və müxalifətin birləşməsi, Ərdoğan hökumətinə qarşı yeni siyasi çətinliklər yaradacaq. Bununla yanaşı, İmamoğlunun siyasi mübarizəni daha da gücləndirərək öz populyarlığını artırması da mümkündür.
Türkiyədəki növbəti prezident seçkilərinə hələ üç il qalmasına baxmayaraq, İmamoğlunun gözaltına alınması siyasi mübarizənin daha da şiddətlənəcəyini göstərir. Hadisənin uzunmüddətli siyasi təsirləri isə zamanla aydın olacaq.
Bu hadisə yalnız Türkiyənin deyil, bütün regionun siyasi dinamikalarını dəyişdirə biləcək önəmli bir mərhələdir.
15:50 23.03.2025
Oxunuş sayı: 14787
