Almaniya Rus tankerinə əl qoydu – Baltik dənizində gərginlik
Almaniya hökuməti Baltik dənizində Rusiyanın “kölgə donanması” ilə əlaqəli neft tankerinə əl qoyub.
Crossmedia.az “Der Spiegel” qəzetinə istinadən xəbər verir ki, Alman gömrük orqanları 14 martda Panama bayrağı altında üzən “Eventin” adlı tankeri saxlayıb.
Tanker Rusiyanın Ust-Luqa limanından Mısır istiqamətində yola düşsə də, yanvardan Ruegen sahillərində dayanmışdı. Neft sızması riski səbəbilə gəmi Sassnitz sahillərinə aparılıb və Almaniya Sahil Mühafizəsi tərəfindən nəzarətə götürülüb.
Gömrük Baş İdarəsinin qərarı ilə təxminən 100 min ton xam neft daşıyan, 40 milyon avro dəyərində olan gəmi və yük Almaniyaya keçib.
Almaniya hökuməti bu addımla Rusiyanın Baltik dənizi üzərindən neft tədarükünə mane olmaq niyyətində olduğunu nümayiş etdirir. Son aylarda “kölgə donanması”nın Baltik dənizində sabotaj əməliyyatlarında iştirak etdiyi şübhə edilir.
Mədinə Cəlilova
18:50 22.03.2025
Oxunuş sayı: 1000
