Abdullah Gül İmamoğluna dəstək verdi
Türkiyənin sabiq prezidenti Abdullah Gül İstanbul Böyükşəhər Bələdiyyə Başqanı Ekrem İmamoğluna qarşı edilən haqsızlıqlarla bağlı açıqlama verib.
Crossmedia.az Türkiyə mətbuatına istinadən xəbər verir ki, Gül bildirib ki, keçmişdə Prezident Rəcəb Tayyib Ərdoğana və özünə qarşı edilən haqsızlıqları ictimai vicdan qəbul etməyib və oxşar səhvlər İmamoğlunun timsalında təkrarlanmamalıdır.
“Xalqın iradəsi ilə seçilən bir şəxsə qarşı eyni səhvlərə yol verilməməlidir. Biz qanunları qorumalı və ədaləti əldən verməməliyik. Əks halda, Türkiyə bundan zərər görər”, – deyə o vurğulayıb.
Abdullah Gülün bu mövqeyi siyasi dairələrdə geniş rezonans doğurub.
18:05 22.03.2025
Oxunuş sayı: 1725
