Rusiya: ABŞ-nin Ukraynaya silah tədarüki sülh cəhdləri ilə ziddiyət təşkil edir
Rusiya Xarici İşlər Nazirliyinin sözçüsü Mariya Zaxarova, ABŞ-nin Ukraynaya silah tədarük etməsinin sülhün bərqərar olmasına və siyasi-diplomatik həll cəhdlərinə zidd olduğunu bildirib. O, sülh istəyən tərəfin terror təşkilatlarını silahlandırmamalı olduğunu vurğulayıb.
Crossmedia.az İsrailin Qəzzaya hücumları ilə bağlı danışan Zaxarovaya istinadən xəbər verir ki, atəşkəs və əsir mübadiləsi razılaşmalarının icrasının vacib olduğunu, bunun humanitar yardım və bölgənin yenidən qurulmasına yol açacağını qeyd edib.
ABŞ-nin Almaniyadakı hərbi bazalarından Ermənistana texnika göndərməyi planlaşdırdığı iddialarına toxunan Zaxarova, Ermənistanın bu barədə rəsmi məlumat almadığını, ancaq iddiaların doğrulanacağı təqdirdə bunun Cənubi Qafqazda sabitliyi poza biləcəyini bildirib.
ABŞ-nin Yəmənə hücumlarını tənqid edən Zaxarova, bölgədə vəziyyətin yalnız siyasi-diplomatik yollarla həll edilə biləcəyini vurğulayıb.
Ukrayna ordusunun Krasnodar vilayətində enerji obyektlərinə hücum etdiyini xatırladan Zaxarova, bunun ABŞ Prezidenti Donald Tramp və Rusiya lideri Vladimir Putinin Ukrayna münaqişəsinin həlli ilə bağlı telefon danışığından sonra baş verdiyini bildirib. Trampın enerji obyektlərinə hücumların qarşılıqlı dayandırılması təklifini Moskvanın müsbət qarşıladığını, Kiyev rəhbərliyinin isə sülh təşəbbüslərini pozmaq məqsədilə təxribat xarakterli addımlar atdığını vurğulayıb.
Mədinə Cəlilova
17:21 22.03.2025
Oxunuş sayı: 11666
