Brüssel təşəbbüsü itirir – Fon der Lyayenin mövqeyi zəifləyir
Avropa Komissiyasının rəhbəri Ursula fon der Lyayen hakimiyyəti itirə və Avropa siyasətində ikinci dərəcəli mövqeyə keçə bilər.
Crossmedia.az Almaniyanın Bild nəşrinə istinadən xəbər verir ki, fon der Lyayeni tez-tez "Avropanın ən nüfuzlu qadını" adlandırırlar. Lakin Bild hesab edir ki, gələcəkdə o, köməkçi rollara keçə bilər. Qəzet vurğulayır ki, Brüssel Ukrayna məsələsində təşəbbüsü itirməyə başlayıb. Onun yerini Paris və London tutur.
Bir çoxları Avropa İttifaqının rəhbəri vəzifəsində elə bir şəxsi görmək istəyir ki, ABŞ prezidenti Donald Trampın administrasiyası onunla hesablaşmağa məcbur olsun.
Nəşr həmçinin bildirir ki, ABŞ-ın vitse-prezidenti Cey Di Vens Parisdə süni intellektə həsr olunmuş sammitdə çıxış edərkən, Ursula fon der Lyayen onun nitqinə cavab verməyə başlayanda, sadəcə tədbiri tərk edib.
Zəhra Məmmədova
14:40 22.03.2025
Oxunuş sayı: 10174
