Türkiyədə "siyasi zəlzələ"- "Hərbi çevriliş..."
Türkiyədə İstanbul Böyük Şəhər Bələdiyyəsinin sədri Ekrem İmamoğlunun diplomunun ləğvi və siyasətçinin saxlanılması ölkə daxilində ciddi siyasi "zəlzələyə" səbəb olub. Ölkədə aksiyalar başlayıb. Siyasətçinin saxlanılması müxtəlif məqamlarla əlaqələndilir.
Crossmedia.az-a danışan politoloq Məhəmməd Əsədullazadə isə açıqlamasında bu məsələ ilə bağlı özünəməxsus yanaşma ortaya qoyub:
"Türkiyə qardaş və müttəfiq ölkədir. Xarici qüvvələr Ədalət və İnkişaf Partiyasının (AKP) iqtidarını devirmək üçün müxtəlif ssenarilər həyata keçirib. Bu gün Türkiyənin regional gücdən beynəlxalq gücə çevrilməsində AKP iqtidarı və prezident Rəcəb Tayyib Ərdoğanın misilsiz siyasətinin nəticəsidir. FETÖ hərbi çevrilişə cəhdi Ərdoğanı yıxmaq idi. Ergenekon, Balyoz əməliyyatlarında çoxlu vəzifəlilər həbs edilmisdi. Bu ölkədə belə həbslər olur. Türkiyəde İstanbul Bələdiyyəsinin başqanı İmamoğlunun həbs edilməsi, bu ölkənin daxili işidir. Kimliyindən və tutduğu siyasi mövqeyinə baxmayaraq qanun qarşısında hamı bərabərdir.
İmamoğlunun həbsi Türkiyədə daxili siyasi böhrana gətirib çıxarmayacaq".
Kənan Novruzov
14:36 20.03.2025
Oxunuş sayı: 25009
