Azərbaycan, Gürcüstan, Macarıstan və Rumıniya Aİ-yə müraciət edib
Azərbaycan, Gürcüstan, Macarıstan və Rumıniya “Qara dəniz enerji kabeli” (Black Sea Energy) layihəsinə Avropa İttifaqı (Aİ) tərəfindən PMI (Ortaq Maraqlı Layihə, Project of Mutual Interest) statusunun verilməsi üçün Aİ-nin enerji məsələləri üzrə komissarı Dən Yorqensənə rəsmi məktub göndərib.
Crossmedia.az bu barədə Azərbaycanın energetika naziri Pərviz Şahbazov sosial şəbəkə X-də məlumat verib.
Nazir bildirib ki, dörd ölkə arasında yaşıl enerji dəhlizinin yaradılması ilə bağlı nazirlərin və rəhbər komitənin görüşü mühüm nəticələrlə yadda qalıb. Görüş çərçivəsində layihənin Aİ-nin Onillik Şəbəkə İnkişaf Planına (TYNDP) daxil edilməsi, Bolqarıstanın qoşulması və optik-lif kabeli komponenti ilə bağlı vacib addımlar razılaşdırılıb.
Şahbazov bu mövzuyla bağlı bir sıra əlavələr edib. Belə ki, görüş zamanı texniki-iqtisadi əsaslandırma ilə bağlı səlahiyyətlərin və məsuliyyətin GECO Power Company adlı birgə müəssisəyə ötürülməsi haqqında sənəd imzalanıb.
Zeynəb Yunuszadə
19:13 10.03.2025
Oxunuş sayı: 984
