Ermənistanda Təhlükəsizlik Şurasının katibi vəzifəsi ləğv oluna bilər
Ermənistanın yeni Konstitusiyasında Təhlükəsizlik Şurasının katibi vəzifəsinin nəzərdə tutulmadığı bildirilir.
Crossmedia.az xəbər verir ki, “Joxovurd” qəzeti bu barədə məlumat yayıb.
Nəşrin iddiasına görə, konstitusiya dəyişiklikləri çərçivəsində sözügedən vəzifənin ləğvi planlaşdırılır.
Qəzet xatırladıb ki, hazırda Təhlükəsizlik Şurasının katibi vəzifəsini tutan Alen Simonyan əvvəllər şəxsi söhbətlərində İrəvan meri vəzifəsinə namizədliyini irəli sürmək niyyətində olduğunu bildirib.
Məlumata əsasən, Ermənistan Ədliyyə Nazirliyinin mətbuat katibi Mariam Melkumyan qəzetin sorğusuna cavabında yeni Konstitusiyada belə bir vəzifənin nəzərdə tutulmadığını təsdiqləyib.
Qeyd edək ki, Alen Simonyan 2026-cı il avqustun 13-də Ermənistanın baş naziri Nikol Paşinyanın qərarı ilə Təhlükəsizlik Şurasının katibi təyin edilib. O, bu vəzifədə Armen Qriqoryanı əvəzləyib.
Yeni Konstitusiya layihəsinin yekun mətninin təsdiqlənməsi və vəzifənin ləğvinin qüvvəyə minməsi barədə hələlik məlumat yoxdur.
11:59 14.11.2026
Oxunuş sayı: 82
