“Nvidia” qalmaqalına ABŞ-nin ticarət naziri də qarışıb
ABŞ-nin texnologiya nəhəngi “Nvidia”nın keçmiş baş direktoru Censen Huanın Çin kəşfiyyatı ilə əlaqədə olmaqda şübhəli bilinən Elis Huanla münasibətləri ətrafında yaranan qalmaqalla bağlı yeni məlumatlar üzə çıxıb.
Crossmedia.az xəbər verir ki, “Axios” nəşri bu barədə məlumat yayıb.
Nəşrin mənbələrə istinadən yaydığı məlumata görə, ABŞ-nin ticarət naziri Hovard Latnik Censen Huanın Elis Huanla münasibətləri barədə əvvəlcədən xəbərdar edilib.
İddia olunur ki, nazirə məsələ ilə bağlı məxfi məlumatların yer aldığı sənəd göndərilib.
ABŞ kəşfiyyat orqanları Elis Huanın Çin adına məlumat toplamaqla məşğul ola biləcəyindən şübhələnirlər. Lakin onun Çin kəşfiyyatı ilə əlaqələri rəsmi şəkildə sübuta yetirilməyib. Pekin isə ittihamları rədd edib.
Məsələ ilə bağlı ABŞ Ticarət Nazirliyi “Axios”un şərh sorğusuna cavab verməyib.
Bundan əvvəl ABŞ-nin dövlət katibi Marko Rubionun da Huanın şəxsi münasibətləri barədə Prezident Donald Trampa məlumat verdiyi bildirilmişdi.
Qalmaqaldan sonra “Nvidia” rəhbərliyi müstəqil araşdırmaya başlayıb. Censen Huan isə noyabrın 12-də şirkətin baş direktoru vəzifəsindən istefa verib.
09:18 14.11.2026
Oxunuş sayı: 84
