“Nvidia” rəhbərinin istefasının arxasında Rubio dayanır?
ABŞ-nin dövlət katibi Marko Rubionun “Nvidia” şirkətinin keçmiş baş direktoru Censen Huanın Çin siyasətinə təsirini zəiflətmək üçün kəşfiyyat məlumatlarından istifadə etdiyi iddia olunur.
Crossmedia.az xəbər verir ki, “The Washington Post” qəzeti bu barədə məlumat yayıb.
Nəşrin məlumatına görə, Rubio Mərkəzi Kəşfiyyat İdarəsinin (CIA) Huanın Çin kəşfiyyatı ilə əlaqədə olmaqda şübhəli bilinən qadınla şəxsi münasibətlərinə dair hesabatından istifadə edərək ABŞ Prezidenti Donald Trampa xəbərdarlıq edib.
İddia olunur ki, Rubio kəşfiyyat məlumatlarını daha qəti ifadələrlə təqdim edib. Bu addım Huanın Tramp administrasiyasındakı nüfuzuna təsir göstərən siyasi qarşıdurmanın bir hissəsi kimi qiymətləndirilir.
Huanın ABŞ prezidentinə yaxınlığı və Çinə qabaqcıl süni intellekt çiplərinin satışına qoyulan məhdudiyyətlərin yumşaldılmasını dəstəkləməsi Vaşinqtonda narazılıq yaradırdı.
Rubio və Çinə qarşı daha sərt texnoloji məhdudiyyətlərin tərəfdarları belə ixracın ABŞ-nin milli təhlükəsizliyinə risk yaratdığını hesab edirdilər.
Məlumata əsasən, qalmaqalın böyüməsi fonunda “Nvidia”nın direktorlar şurası Huanın şəxsi münasibətləri ilə bağlı araşdırmaya başlayıb.
Nəticədə Censen Huan noyabrın 12-də şirkətin baş direktoru vəzifəsindən istefa verib. “Nvidia”nın maliyyə direktoru Kolet Kress müvəqqəti rəhbər təyin olunub.
Bununla belə, Rubionun hərəkətlərinin birbaşa olaraq istefaya səbəb olduğu rəsmi şəkildə təsdiqlənməyib. Həmçinin Huanın münasibətdə olduğu qadının Çin kəşfiyyatına işləməsi barədə iddialar da yekun hüquqi nəticə kimi müəyyən edilməyib.
09:05 14.11.2026
Oxunuş sayı: 92
