Almaniyada qadın hərbçilərin 72 faizi cinsi qısnamaya məruz qalıb
Almaniya Silahlı Qüvvələrində (Bundesver) xidmət edən qadın hərbçilərin 72 faizi hərbi xidmət müddətində ən azı bir dəfə şifahi cinsi qısnamaya məruz qaldığını bildirib.
Crossmedia.az xəbər verir ki, “Deutsche Welle” bu barədə məlumat yayıb.
Araşdırmanın nəticələrinə əsasən, kişi hərbçilərin də 31 faizi hərbi xidmət müddətində ən azı bir dəfə oxşar halla üzləşib.
Sorğudan əvvəlki 12 ay ərzində qadın hərbçilərin 38 faizi, kişilərin isə 16 faizi şifahi cinsi qısnamaya məruz qaldığını qeyd edib.
Bundan əlavə, qadın hərbçilərin 9 faizi, kişi hərbçilərin isə 3 faizi son bir ildə fiziki xarakterli cinsi qısnama halları ilə qarşılaşdığını bildirib.
Həm qadın, həm də kişi hərbçilərin 2 faizi cinsi zorakılığa məruz qaldığını açıqlayıb.
Araşdırma çərçivəsində təxminən 45 min hərbi qulluqçuya müraciət edilib, 8 100-dən çox şəxsin cavabı təhlil olunub.
Nəticələrə görə, xüsusilə aşağı hərbi rütbələrdə xidmət edən gənc qadınlar cinsi qısnama halları ilə daha çox üzləşirlər.
Almaniyanın müdafiə naziri Boris Pistorius nəticələri qəbuledilməz adlandıraraq Silahlı Qüvvələrdə cinsi qısnamaya qarşı daha sərt tədbirlərin görüləcəyini bildirib.
15:21 13.11.2026
Oxunuş sayı: 31
