“Nvidia”nın yeni rəhbəri məlum olub
ABŞ-nin texnologiya nəhəngi “Nvidia”nın həmtəsisçisi və baş direktoru Censen Huan (Jensen Huang) casusluq qalmaqalı fonunda vəzifəsindən istefa verib. Onun yerinə şirkətin maliyyə direktoru Kolet Kress (Colette Kress) müvəqqəti rəhbər təyin olunub.
Crossmedia.az xəbər verir ki, “Nvidia” şirkəti bu barədə rəsmi məlumat yayıb.
Şirkətin noyabrın 12-də yaydığı məlumata əsasən, Censen Huan prezident, baş direktor və Direktorlar Şurasının üzvü vəzifələrindən ayrılıb.
Qərar Huanın Çin kəşfiyyatı ilə əlaqədə şübhəli bilinən qadınla münasibəti barədə məlumatların yayılmasından sonra qəbul edilib.
Yeni rəhbər təyin olunan Kolet Kress 2013-cü ildən “Nvidia”nın maliyyə direktoru vəzifəsində çalışır. O, əvvəllər “Microsoft” və “Cisco” kimi iri texnologiya şirkətlərində də rəhbər vəzifələr tutub.
Kress daimi baş direktor təyin edilənədək şirkətə müvəqqəti rəhbərlik edəcək. O, eyni zamanda maliyyə direktoru vəzifəsini də davam etdirəcək.
Məlumata görə, Huan əvvəllər Kressin bəzi idarəetmə qərarlarını və fəaliyyətini tənqid edib.
“Nvidia”nın Direktorlar Şurası artıq daimi baş direktorun seçilməsi prosesinə başlayıb. Bu vəzifəyə həm şirkət daxilindən, həm də kənardan namizədlərin nəzərdən keçirilməsi planlaşdırılır.
Qeyd edək ki, casusluqla bağlı iddialar araşdırılır və Huanın məxfi məlumatları Çin tərəfinə ötürdüyü təsdiqlənməyib.
12:28 13.11.2026
Oxunuş sayı: 35
