Xarici xəbərlər
Xarkovda yaşayış binasına PUA zərbəsi: yuxarı mərtəbələr dağıldı
Ukraynanın Xarkov şəhərində oktyabrın 12-si səhər saatlarında yaşayış binasına PUA zərbəsi endirilib. Nəticədə binanın 7-ci, 8-ci və 9-cu mərtəbələri dağılıb, azı 5 nəfər xəsarət alıb.
Crossmedia.az xəbər verir ki, Xarkov meri İqor Terexov hadisə ilə bağlı məlumat yayıb.
Merin sözlərinə görə, “Şahed” tipli PUA çoxmərtəbəli binanın girişlərindən birinə zərbə endirib. Zərbədən sonra ərazidə yanğın başlayıb.
Hadisə yerində axtarış-xilasetmə işləri davam etdirilir. Xəsarət alanların sayının dəyişib-dəyişmədiyi barədə hələlik əlavə məlumat verilməyib.
16:34 12.10.2026
Oxunuş sayı: 52
