Cəmiyyət

Bu qəzetin baş redaktorunun şikayəti rədd edildi- SON QƏRAR

"Gündəlik Bakı" qəzetinin həbsdə olan təsisçisi və baş redaktoru Habil Vəliyevlə bağlı hökmdən verilən kassasiya şikayəti üzrə məhkəmə prosesi keçirilib.

Crossmedia.az xəbər verir ki, bu gün Ali Məhkəmədə hakim Rəşad Abdulovun sədrliyi ilə keçirilən prosesdə qərar qəbul edilib.

Qərara əsasən, şikayət təmin edilməyib, aşağı instansiya məhkəməsinin qərarı qüvvədə saxlanılıb.

Xatırladaq ki, Habil Vəliyev Bakı Ağır Cinayətlər Məhkəməsinin hökmünə əsasən, 8 il müddətə azadlıqdan məhrum edilib. Bakı Apellyasiya Məhkəməsi cəzanı 1 il azaldıb. O, ötən ilin noyabr ayında Ali Məhkəməyə kassasiya şikayəti versə də, sonradan şikayətini geri götürmüşdü.

Habil Vəliyev bir neçə nəfəri şantaj etməkdə ittiham edilir. Ona qarşı Cinayət Məcəlləsinin 182.2.2-ci (hədə-qorxu ilə tələb etmə təkrar törədildikdə) və 182.2.4-cü (xeyli miqdarda əmlak əldə etmək məqsədi ilə törədildikdə) maddələri ilə ittiham irəli sürülüb.

H.Vəliyev daha əvvəl eyni ittihamla 4 il müddətinə azadlıqdan məhrum edilmişdi.(APA)

Mövzular:

“Gündəlik Bakı” Ali Məhkəmə kassasiya şikayəti məhkəmə şantaj Bakı Ağır Cinayətlər Məhkəməsi Bakı Apellyasiya Məhkəməsi

🖨 Çap et

12:51 06.10.2026

Oxunuş sayı: 60