Xarici xəbərlər

Mütəxəssislər xəbərdarlıq edir: Həddindən artıq arıqlamaq sağlamlığa zərərlidir

Bədəndə hormonların ifrazından tutmuş temperaturun tənzimlənməsinə qədər bir çox mühüm funksiyanı yerinə yetirən yağ toxumasının həddindən artıq azaldılması sağlamlıq üçün təhlükəli ola bilər.

Crossmedia.az xəbər verir ki, "BBC" bu barədə məlumat yayıb.

İllərdir yağ toxuması mənfi qəbul edilir. Pəhriz mədəniyyəti insanları yağ yandırmağa təşviq edir, bəzi qida şirkətləri az yağlı məhsulları ön plana çıxarır, sosial şəbəkələrdə isə mümkün qədər aşağı bədən yağ faizinə çatmaqla bağlı tövsiyələr yayılır.

Mütəxəssislər bildirirlər ki, həddindən artıq yağ sağlamlıq problemlərinə və piylənməyə səbəb ola bildiyi kimi, bədəndə yağın çox az olması da orqanizm üçün faydalı deyil.

BBC-nin yazdığına görə, bu il həddindən artıq arıq bədən quruluşuna marağın yenidən artması ekspertləri narahat edir. Bəzi hallarda bu tendensiyanın arıqlama dərmanlarının populyarlığı ilə daha da gücləndiyi qeyd olunur.

Miçiqan Universitetinin tibb professoru, endokrinoloq Elif Oral yağ toxumasının orqanizmdə mühüm bioloji funksiyaları olduğunu vurğulayıb.

Mütəxəssislərin fikrincə, məqsəd yalnız bədəndəki yağdan mümkün qədər çox xilas olmaq deyil, sağlamlıq üçün lazım olan optimal yağ səviyyəsini qorumaq olmalıdır.

🖨 Çap et

00:45 30.09.2026

Oxunuş sayı: 34