“Euronews” Qarabağdan yazdı: Regionda yeni iqtisadi dövr başlayır
Qarabağ genişmiqyaslı bərpa mərhələsindən tədricən yeni iqtisadi inkişaf mərhələsinə keçir. Regionda yaşayış məntəqələrinin salınması ilə yanaşı, sənaye və logistika infrastrukturu da formalaşdırılır.
Crossmedia.az xəbər verir ki, “Euronews” bu barədə məlumat yayıb.
Telekanalın materialında qeyd olunur ki, Ağdam və Cəbrayıl rayonlarında istehsal, biznes fəaliyyəti və investisiyaların cəlb edilməsinə yönəlmiş sənaye və logistika zonaları yaradılır.
İnvestorların regionda yeni müəssisələr yaratmasını və iş yerlərinin açılmasını stimullaşdırmaq məqsədilə vergi güzəştlərinin tətbiqi nəzərdə tutulur.
Qarabağın bərpasında müasir texnologiyalardan da geniş istifadə edilir. Bu çərçivədə bərpa olunan enerji mənbələrindən, rəqəmsal planlaşdırmadan, pilotsuz uçuş aparatları ilə çəkilişlərdən və müasir xəritələşdirmə üsullarından yararlanılır.
“Euronews”un məlumatına görə, əsas məqsəd yalnız dağıdılmış infrastrukturun bərpası deyil, Qarabağda uzunmüddətli iqtisadi inkişaf, biznes və əhali üçün yeni imkanların yaradılmasıdır.
11:42 21.08.2026
Oxunuş sayı: 48
