Rusiyada 50 illik evlilik yubileyinə görə birdəfəlik ödəniş təklif edilib
Rusiyada 50 il və daha çox nikahda yaşayan ailələr üçün vahid federal birdəfəlik ödənişin tətbiqi təklif edilib.
Crossmedia.az xəbər verir ki, bu barədə RİA Novosti məlumat yayıb.
Məlumata görə, Dövlət Dumasının deputatı, "Analar Şurası"nın sədri Tatyana Butskaya bununla bağlı Rusiyanın əmək və sosial müdafiə naziri Anton Kotyakovun ünvanına müraciət göndərib.
Deputat 50 illik evlilik yubileyini qeyd edən ailələrə 20 min rubl məbləğində birdəfəlik ödəniş verilməsini, sonrakı yubiley tarixlərində isə bu məbləğin indeksləşdirilməsini və ya mütənasib şəkildə artırılmasını təklif edib.
Tatyana Butskaya bildirib ki, Rusiyanın bəzi regionlarında bu cür dəstək mexanizmləri artıq tətbiq olunur.
Onun sözlərinə görə, təşəbbüs ailə institutunun möhkəmləndirilməsinə, uzunömürlü nikahların cəmiyyət tərəfindən daha çox qiymətləndirilməsinə və ailə dəyərlərinin dəstəklənməsi üzrə vahid yanaşmanın formalaşdırılmasına xidmət edəcək.
10:21 06.07.2026
Oxunuş sayı: 55
