Laricani: Yeni lider seçilənədək müvəqqəti rəhbərlik şurası yaradılacaq
İran rəsmisi Əli Laricani bildirib ki, növbəti lider seçilənədək müvəqqəti rəhbərlik şurası formalaşdırılacaq.
Crossmedia.az xəbər verir ki, onun sözlərinə görə, bu mexanizm keçid dövründə idarəetmənin davamlılığını təmin etmək məqsədi daşıyır.
Əli Laricani bəyan edib ki, ölkəni parçalamaq niyyətində olan qüvvələr bunun asan olacağını düşünməməlidir.
Onun sözlərinə görə, “İranın bir hissəsini ayırmaq üçün sadə bir küləyin əsməsi kifayət edəcəyini düşünən qruplaşmalar yanılır”.
Əli Laricani açıqlamasında ABŞ və İsraili sərt şəkildə tənqid edib. Onun sözlərinə görə, “Amerika və sionist rejim İranın resurslarını talamağa və ölkəni parçalamağa çalışır”.
Laricani bildirib ki, İran xalqı “təslimçilik və bunun nəticəsi olaraq talan və parçalanma” ilə “müqavimət” arasında seçim etməlidir.
Əli Laricani bəyan edib ki, İsrail İranı bölmək niyyətindədir.
Onun sözlərinə görə, “bu rejim özünü qorumaq üçün böyük ölkələrin parçalanmasından başqa çıxış yolu görmür”.
09:57 01.03.2026
Oxunuş sayı: 663
