Xarici xəbərlər

Hörümçək quyruqlu gürzə quşları quyruğu ilə aldadır

İranın Zaqros dağlarında yaşayan hörümçək quyruqlu buynuzlu gürzə qeyri-adi ov üsulu ilə diqqət çəkir.

Crossmedia.az xəbər verir ki, bu barədə CNN məlumat yayıb.

Tədqiqatçılar müəyyən ediblər ki, ilanın quyruğunun ucu hörümçəyə bənzəyir və hərəkətləri ilə quşları özünə cəlb edir. Quş quyruqdakı “hörümçəyi” ovlamaq üçün yaxınlaşdıqda isə ilan qəfil hücuma keçir.

Bu qeyri-adi xüsusiyyət ilk dəfə 1968-ci ildə İranda toplanan nümunədə müşahidə olunub. Lakin həmin vaxt quyruğun hörümçəyə bənzər quruluşu anomaliya hesab edilib. 2003-cü ildə ikinci nümunənin əldə olunmasından sonra bunun növə xas xüsusiyyət olduğu müəyyənləşdirilib.

2006-cı ildə ilan Pseudocerastes urarachnoides adı ilə yeni növ kimi təsvir edilib.

Yeni araşdırmada alimlər ilanın quyruğunun daxili quruluşunu rentgen görüntüləmə üsulu ilə araşdırıblar. Məlum olub ki, quyruqdakı qeyri-adi görünüş skelet quruluşundan deyil, əsasən yumşaq toxumalardan qaynaqlanır.

Mövzular:

İranın Zaqros dağları İran hörümçək Tədqiqatçılar alimlər Pseudocerastes urarachnoides qeyri-adi ov üsulu

🖨 Çap et

01:23 12.09.2026

Oxunuş sayı: 39