Xarici xəbərlər

SEPAH-ın fəaliyyətinə qadağa qoyula bilər: Müzakirələr davam edir

Almaniya Bundestaqı (federal parlamenti) ölkədə SEPAH-ın fəaliyyətinin qadağan edilməsi ilə bağlı təşəbbüsü ilk dəfə müzakirəyə çıxarıb.

Crossmedia.az xarici KİV-ə istinadən xəbər verir.

Təklif Almaniya üçün Alternativ (AfD) parlament qrupu tərəfindən irəli sürülüb və əlavə araşdırma üçün müvafiq komitələrə göndərilib.

Sənəddə SEPAH-ın etirazların qəddarcasına yatırılmasında, insan hüquqlarının pozulmasında və müxaliflərin təqibində iştirak etdiyi bildirilib.

Təşəbbüsə əsasən, SEPAH-ın Almaniyadakı fəaliyyətinə tam qadağa qoyulması, zabitlərinə ölkəyə giriş məhdudiyyəti tətbiq edilməsi, maliyyə sanksiyalarının artırılması, eləcə də vergi və miqrasiya qanunlarının daha sərt icrası tələb olunur.

Sənəddə SEPAH-ın bütün strukturlarının terror təşkilatı kimi tanınması üçün Avropa Birliyi və beynəlxalq səviyyədə sanksiyaların yenidən nəzərdən keçirilməsi və sərtləşdirilməsi çağırışı yer alır.

🖨 Çap et

19:07 27.02.2026

Oxunuş sayı: 659