Suriya ilə Rusiya masa arxasında: Əsəd təhvil verilir, əvəzində isə...
Yaxın Şərq KİV-in məlumatına görə Suriya lideri Əhməd Əş-Şəraa Moskvaya səfəri zamanı keçmiş prezident Bəşşar Əsədin təhvil verilməsini tələb etmək niyyətindədir.
"Əş-Şəraa keçmiş prezidentin Suriya xalqına qarşı cinayətlərə görə məsuliyyətə cəlb edilməsinə nail olmaq niyyətindədir", - mənbə qeyd edir.
Məlumata görə, o, həmçinin Rusiya Prezidenti Vladimir Putinlə Yaxın Şərqdəki vəziyyəti, ölkələr arasında ikitərəfli münasibətlərin gücləndirilməsini müzakirə edəcək.
Rusiyadakı Suriya diasporunun nümayəndələri ilə görüşməyi planlaşdıran Əş-Şəraa ölkənin Moskvadakı səfirliyini ziyarət etməyəcək.
Sözügedən ehtimal barədə Crossmedia.az- a danışan politoloq Aydın Quliyev bildirib ki, tələblər həmin anda yerinə yetirilmir və uzun müzakirələrdən sonra hansısa nəticə əldə edilir: ‘’Burada həm Rusiyanın, həm Suriyanın variantları var. Suriyanın prezidenti yaxşı bilir ki, əgər Bəşər Əsədi Rusiyadan ala bilsə, Suriya xalqı arasında nüfuzunu qat-qat yüksək səviyyəyə qaldıra bilər. Eyni zamanda, Suriya diktaronun xarici ölkə banklarında Rusiyada yerləşdirdiyi və Suriya xalqına məxsus olan vəsaitlərlə bağlı dəqiq məlumatlar ala bilər. Bundan başqa, həm 30-40 il ərzində Rusiyanın Suriyada apardığı siyasətlə bağlı əsas məqamların üzə çıxarılmasıyla bağlı Bəşər Əsəddən istifadə etmək mümkündür. Əhməd əş-Şəraanın birinci vəzifəsi onu geri almaqdır. Düşünmək olar ki, əgər Rusiya Bəşər Əsədi verməkdən imtina edərsə, o halda Əhməd əş-Şəraanın qarşısında yeni imkan açılmış olacaq. Bu da Rusiyanın Suriyada olan əmlakı, hərbi bazaları ilə bağlı qərar verməkdən ibarət olacaqdır".
A. Quliyev qeyd edib ki, indi də Rusiyanın Suriyadaki bazaları fəaliyyət göstərmir: ‘’Amma, orada çox böyük əmlak var. Rusiya təbii ki, bu bazalarının hamısını itirmək marağında deyil. Əgər Əsədi almaq mümkün olmasa, Suriyanın Rusiyanın hərbi bazalarını birdəfəlik ləğv edəcəyi gözlənilir. Bəlkə də, Əhməd əş-Şəraa da bilir ki, Əsədi geri almaq mümkün olmayacaq. Ona görə də Moskvaya etdiyi bu səfərlə bir növ Rusiyanın Suriyadaki hərbi bazalarını ləğv etmək üçün bir səbəb əldə etmək istəyir. Suriyanın keçmiş prezidentinin təhvil verilməsi Rusiyanın dünyada reytinqinə daha ağır zərbə vuracaq. Çünki, ən son anda müttəfiqilərini müdafiə edə bilməmək kimi görüntü yaranacaq. Buna görə də Putin Əsədi sona qədər müdafiə etməyə çalışacaq. Nəticədə Putinin Əsədi verməkdən imtina variantı daha realdır. Bu halda onun itirəcəyi Rusiyanın Suriyadaki hərbi bazalarıdır. Hərçənd bu, Rusiya üçün çox böyük itki olmayacaq. Ona görə ki, Rusiyanın Yaxın və Orta Şərqdə onsuz da mövqeyi zəifləyib və təkcə Suriyada taleyi bəlli olmayan hərbi bazaları saxlamaq o qədər əhəmiyyətli deyil".
Analitik söyləyib ki, Əsəd ə təhvil almaq vəzifəsi uğursuz alına bilər: "Amma, bu məsələ də var ki, Suriya hökuməti ilə münasibətləri sona qədər korlamamaq üçün Əsədlə bağlı hətta intihar variantı da var. Daha doğrusu, onun həyatına hər hansı bir formada son qoyaraq bunu intihar kimi də qələmə verə bilərlər’’.
Sevinc Yarməmmədova
18:42 15.10.2025
Oxunuş sayı: 11226
