Lukaşenko: Ukraynanın növbəti prezidentini Tramp yox, xalq seçməlidir
Belarus Prezidenti Aleksandr Lukaşenko Ukraynanın növbəti dövlət başçısının kim olacağına ABŞ Prezidenti Donald Trampın deyil, Ukrayna xalqının qərar verməli olduğunu bildirib.
Crossmedia.az xəbər verir ki, bu barədə “BelTA” məlumat yayıb.
Lukaşenkonun sözlərinə görə, Ukrayna prezidentini ölkə vətəndaşları seçməlidir.
O, həmçinin Ukrayna Prezidenti Volodimir Zelenskinin dövlət başçısı vəzifəsində yalnız bir müddət qalacağına dair əvvəlki vədini xatırladıb və ölkədə seçkilərin keçirilməsini dəstəkləyib.
“Bu məsələdə Tramp haqlıdır: söz verilibsə, vəd yerinə yetirilməlidir. Amma diktə etmək olmaz. Tramp Ukraynaya necə davranmalı olduğunu diktə etməməlidir”, – deyə Lukaşenko vurğulayıb.
Bundan əvvəl Tramp Zelenskini ABŞ və bütün dünya üçün problemlər yaratmaq istəyində ittiham edib.
Rusiya Prezidenti Vladimir Putin isə daha əvvəl Moskvanın Ukraynada seçkilər keçiriləcəyi təqdirdə təhlükəsizliyin təmin olunmasına kömək etməyə hazır olduğunu bildirib. Zelenski buna cavab olaraq, Ukraynanın nəzarətindən çıxmış ərazilərdə yaşayan sakinlərə səsvermə hüququ verilməsi təklifini qəbul etməyib.
22:57 16.10.2026
Oxunuş sayı: 181
