Rusiyanın dizel yanacağı ixracı son 10 ilin minimumuna düşüb
Rusiyanın dəniz yolu ilə dizel yanacağı və qazoyl ixracı oktyabrın ilk 10 günündə son 10 ilin ən aşağı səviyyəsinə enib.
Crossmedia.az xəbər verir ki, Bloomberg bu barədə məlumat yayıb.
Məlumata görə, qeyd olunan dövrdə Rusiyadan gündəlik dizel yanacağı və qazoyl tədarükü 146 min barelə düşüb. Bu, 2016-cı ildə müşahidələrin başlanmasından bəri qeydə alınan ən aşağı göstəricidir.
Ümumilikdə, Rusiyanın neft məhsulları ixracı gündəlik 979 min barelə qədər azalıb. Dizel yanacağı və qazoyl tədarükü isə sentyabr ayı ilə müqayisədə 11 faiz geriləyib.
Bununla belə, ayın sonunadək ixracın bərpa oluna biləcəyi ehtimal edilir. Məlumata əsasən, ABŞ Prezidenti Donald Tramp və Rusiya Prezidenti Vladimir Putin arasında Rusiya dizel yanacağı ilə bağlı əldə olunan razılaşmadan sonra Moskva onun ixracına tətbiq edilən məhdudiyyətləri yumşaltmağa başlayıb.
Razılaşmanın oktyabrın 11-də qüvvəyə minməsindən 2–3 həftə sonra Rusiyadan ABŞ-yə ilk dizel yanacağı tədarüklərinin həyata keçirilməsi gözlənilir.
23:59 16.10.2026
Oxunuş sayı: 45
