Əhməd əş-Şəraa Rusiyaya gedir: Suriyanın əsas məqsədi o olacaq ki...
Suriyanın keçid dövrünün prezidenti Əhməd əş-Şəraa Rusiyaya gedib. Rusiya Prezidentinin mətbuat katibi Dmitri Peskov bu gün keçirdiyi brifinqdə jurnalistlərə bildirib ki, Putinlə Əhməd əş-Şəraanın görüşündə müzakirələr olunacaq. Suriyanın keçid dövrünün prezidenti Əhməd əş-Şəraa Rusiyaya gedib. Əhməd əş-Şəraaın Rusiyaya səfərinin əsas məqsədi nə ola bilər? Və bu səfər ikitəfli münasibətlərə necə təsir edəcək?
Mövzu ilə bağlı hərbi-siyasi ekspert Həşim Səhrablı Crossmedia.az-a danışıb. O bildirib ki, Əhməd əş-Şəraanın indiki vəziyyətdə Rusiyaya səfərinin məqsədi bəllidir: ‘’O, Suriyanın maraqlarını müdafiə etmək üçün tərəfdaş diplomatik kanallarının sayını artırmağa çalışır və yeni tərəfdaşlarla Suriyanın beynəlxalq mövqeyini, nüfuzunu möhkəmləndirməyə çalışır. Eyni zamanda alternativ fürsətlər yaradaraq ölkəsinin çətin iqtisadi-siyasi durumdan qurtarmağa çalışır. Əhməd əş-Şəraa anlayır ki, Suriyanın inkişafında əsas vəzifə terroru bitirməkdir. Terroru bitirmək üçün isə onu yaradanlarla yaxın münasibətlər qurmaq məsələsi ön planda olmalıdır’’.
Müsahibimiz qeyd edib ki, bu o demək deyil Suriya öz milli maraqlarını həmin tərəflərə təslim etməlidir, həmin tərəflərlə qarşılıqlı, bərabərhüquqlu, etimada əsaslanan münasibətlər qurularsa, o halda terroru himayə edən tərəflər də düşünürlər ki, Suriya hakimiyyəti onların maraqları üçün təhlükə yaratmır: ‘’Bu halda isə, Suriyaya qarşı fərqli cəbhələr hazırlamağın, yetişdirməyin mənası qalmır. Bir çox aspektdən baxdıqda Əhməd əş-Şəraanın Moskvadaki səfərinin məqsədlərinə baxa bilərik. İqtisadi layihələr, Suriyada terrorun bitməsi və fərqli qrupların vahid mərkəzi hakimiyyətə toplanması kimi məsələlər danışılacaq. Lakin, ən önəmli məsələlərdən biri də sırf Əhməd əş-Şəraanın hakimiyyətə gəlməsindən sonra burada Rusiya bazalarının bağlanması məsələsi olacaq. Rusiya tərəfi buna qarşı ciddi bir mübarizə apardı. Yəqin ki, görüşün əsaa mövzularından biri də, Rusiyanın oradaki bazalarının mövcudluğu və gələcək fəaliyyəti məsələsi olacaq. Rusiya üçün həmin bazalar təkcə Suriyaya nəzarət etmək deyil həm də, bütün Aralıq dənizində, Şimali Afrikada və dolayısıyla Afrika siyasətində təsirlərini qorumaq məsələsidir. Ona görə də bu mövzular ətrafında geniş danışıqlar olacağı gözlənilir. Əhməd əş-Şəraa da qarşısına hədəf kimi qoyacaq ki, Rusiya hakimiyyətini onun iqtidarının Rusiyanın maraqları üçün təhlükə olmayacağını qəbul etdirsin və Əhməd əş-Şəraa iqtidari ilə yeni Suriyanın anti-Rusiya addımlarına çevrilməyəcəyini sübut etsin Rusiyanı öz tərəfinə çəkməyə çalışsın’’
Sevinc Yarməmmədova
17:42 15.10.2025
Oxunuş sayı: 13047
