İsrail ABŞ-nin maraqlarını nəzərə almalı olacaq -RƏY
İranın Ali Milli Təhlükəsizlik Şurasının katibi Əli Laricani bildirib ki, ölkəsi ABŞ ilə nüvə danışıqlarından tam imtina etməyib, lakin Vaşinqtonun qəbuledilməz tələbləri prosesi ləngidir.
Onun sözlərinə görə, ABŞ yalnız sözdə dialoq tərəfdarı kimi çıxış edir, lakin real danışıqlardan yayınaraq məsuliyyəti İrana yönəldir. Bəs görəsən İran və ABŞ arasında dialoq yenidən başlaya bilərmi? Nüvə proqramı üzrə müzakirələr başlasa İsrail buna necə reaksiya verəcək?
Mövzu ilə bağlı Crossmedia.az-a açıqlama verən politoloq Əhəd Məmmədli bildirib k, ABŞ-nin irəli sürdüyü şərtlər İranın kapitulyasiyası deməkdir: "Rəsmi Tehran isə bununla razı olmur. Çünki İsraillə 12 günlük müharibədən sonra İran özünü qalib tərəf kimi göstərmişdi. Hərçənd əslində ən yaxşı halda qalib İran yox, dini rejim idi. İndi İran ABŞ-nin şərtlərinə razı olsa, xalq ayağa qalxacaq və soruşacaq ki, biz necə qalibik? Rəsmi Tehran bu riski anlayır. Əslində İran razılaşma istəyir. Bir şərtlə ki, daha müharibənin olmayacağına əmin olsun".
Politoloq vurğulayıb ki, ABŞ son zamanlar Təl- Əvivin “nazı ilə çox da oynamır”: 2Düşünürəm ki, İsrail ABŞ-nin maraqları ilə razılaşmalı olacaq. İsrailin başqa çıxış yolu olmayacaq. Bu, həm də Qəzzadakı proseslərdən asılıdır. Əgər İsrail Qəzzada istədiyinə nail olmasa, ABŞ-nin işi daha rahat olacaq"
Niyaz Hacıyev
14:45 03.09.2025
Oxunuş sayı: 6092
