Elm və təhsil

Dövlət Proqramının yeni iştirakçıları ilə görüş keçirilib

Avqustun 13-də “2022-2028-ci illər üçün Dövlət Proqramı” çərçivəsində 2025-2026-cı tədris ili üzrə Dövlət Proqramı Təqaüdçüsü adını qazanmış gənclərlə görüş keçirilib.

Crossmedia.az xəbər verir ki, görüş çərçivəsində Dövlət Proqramı İdarəetmə Qrupunun nümayəndələri tərəfindən Dövlət Proqramı çərçivəsində təhsillə əlaqəli zəruri məlumatlar proqram iştirakçılarının diqqətinə çatdırılıb.

Sual-cavab sessiyası ilə davam edən görüş çərçivəsində iştirakçılar tərəfindən ünvanlanan bütün suallar cavablandırılıb.

Qeyd edək ki, 2025-2026-cı tədris ili üzrə Dövlət Proqramına seçilmiş 500 nəfər iştirakçı dünyanın 14 ölkəsinə aid 64 nüfuzlu ali təhsil müəssisəsində təhsil alacaq. Proqram çərçivəsində 125 nəfər bakalavriat, 356 nəfər magistratura və 19 nəfər isə doktorantura səviyyəsində təhsil almaq hüququ qazanıb.