Professor Aida Tağızadə 91 yaşında vəfat edib
Musiqişünas, Əməkdar incəsənət xadimi, professor Aida Tağızadə vəfat edib.
Bu barədə musiqişünas, Əməkdar incəsənət xadimi, professor Zümrüd Dadaşzadə Crossmedia.az-a bildirib.
Z.Dadaşzadə əlavə edib ki, bu barədə ona mərhumun oğlu məlumat verib:" Məndə olan məlumata görə, Aida xanım sabah dəfn olunacaq".
O bildirib ki, mərhum alim bu gün səhər saatlarında vəfat edib.
Qeyd edək ki, Aida Zeynal qızı Tağızadə 1934-cü il fevralın 5-də Şuşa şəhərində anadan olub. O, 1958-ci ildən Bakı Musiqİ Akademiyasında (BMA-da) fəaliyyət göstərib. 1996–2007-ci illərdə fəaliyyətini Türkiyənin Ankara Bilkənd Universitetində davam etdirib. Bir neçə monoqrafiya, 100-ə yaxın məqalənin müəllifidir.
Elmir Heydərli
11:19 06.08.2025
Oxunuş sayı: 9117
