Azərbaycanın daha iki cüdoçusu Avropa çempionu oldu
İtaliyanın Neapol şəhərində keçirilən U-23 Avropa çempionatında Azərbaycan millisinin üzvləri Əjdər Bağırov və Kənan Nəsibov qızıl medal qazanıblar.
Crossmedia.az xəbər verir ki, ( -100 kq) çəki dərəcəsində mübarizə aparan Əjdər Bağırov finalda Almaniya təmsilçisi Yannis Başini məğlub edərək Avropa çempionu olub. O, finala qədər Ukrayna, Xorvatiya və Avstriya idmançılarını yarışdan kənarlaşdırıb.
+100 kq çəki dərəcəsində çıxış edən Kənan Nəsibov isə finalda serbiyalı Vidak Malyeviçə qalib gələrək titulunu qoruyub. O, ardıcıl ikinci dəfə U-23 Avropa çempionu adını qazanıb.
Beləliklə, Azərbaycan millisi fərdi yarışları 3 qızıl medalla başa vuraraq ümumi komanda hesabında birinci yeri tutub. Daha əvvəl İslam Rəhimov (-66 kq) da ardıcıl ikinci dəfə U-23 Avropa çempionu olub.
22:55 31.10.2026
Oxunuş sayı: 53
