TRIPP layihəsi Ermənistanda yenidən müzakirə mövzusu olub
Ermənistan müxalifətinin nümayəndəsi bildirib ki, Baş nazir Nikol Paşinyanın siyasəti ölkənin ərazi məsələləri ilə bağlı yeni güzəştlərə gətirib çıxara bilər.
Crossmedia.az ˝Sputnik Armenia˝-ya istinadən xəbər verir.
Müxalif siyasi qüvvənin lideri jurnalistlərə açıqlamasında deyib ki, Paşinyan hakimiyyətdə qalacağı təqdirdə dördüncü respublikadan sonra beşinci respublikanı elan edəcək və daha sonra güzəştlərə davam edəcək.
O, bu prosesin Lori vilayətinə qədər gedə biləcəyini iddia edib.
Karapetyan, həmçinin qardaşı oğlu, “Güclü Ermənistan” fraksiyasının rəhbəri Narek Karapetyanın TRIPP layihəsi ilə bağlı açıqlamasına münasibət bildirib. O qeyd edib ki, Narek TRIPP-in dəhliz deyil, yol olacağını nəzərdə tutub və bu məsələdə yanaşmanın dəyişdirilməli olduğunu vurğulayıb.
21:37 20.08.2026
Oxunuş sayı: 49
