Gənclər və İdman

Bakıda beynəlxalq badminton turniri start götürüb

Bakıda 19 yaşadək gənc və yeniyetmə badmintonçular arasında "Azerbaijan Junior Open 2026" beynəlxalq turnirinə start verilib.

Crossmedia.az xəbər verir ki, Azərbaycan Badminton Federasiyasından verilən məlumata görə, yarışda Azərbaycan da daxil olmaqla 9 ölkədən 64 badmintonçu 5 kateqoriya üzrə mükafatlar uğrunda mübarizə aparır.

Azərbaycan turnirdə 22 badmintonçu ilə təmsil olunur. Yarışın digər iştirakçıları Türkiyə, Özbəkistan, Gürcüstan, İran, Birləşmiş Ərəb Əmirlikləri, ABŞ, Hindistan və Tacikistan təmsilçiləridir.

Turnir çərçivəsində badmintonçular oğlan və qızların şəxsi, qoşa, eləcə də qarışıq qoşa kateqoriyalarında qüvvələrini sınayırlar.

"Azerbaijan Junior Open 2026" ölkədə ilk dəfə "Junior International Series" kateqoriyasında təşkil olunan yarışdır.

Yarışa avqustun 16-da keçiriləcək final qarşılaşmaları ilə yekun vurulacaq.

Mövzular:

badminton gənc Turnir Azərbaycan

🖨 Çap et

16:20 14.08.2026

Oxunuş sayı: 53