Xarici xəbərlər

Aİ ABŞ sənaye məhsullarına tətbiq edilən bütün idxal rüsumlarını ləğv edib

Avropa İttifaqı iyulun 1-dən etibarən ABŞ-dan idxal olunan bütün sənaye məhsullarına tətbiq edilən gömrük rüsumlarını ləğv edib.

Crossmedia.az xəbər verir ki, Avropa Komissiyasının sədri Ursula fon der Lyayen bu barədə sosial şəbəkədə paylaşım edib.

Fon der Lyayen bildirib ki, bu qərar transatlantik ticarət üçün daha çox sabitlik, seçim imkanları və Avropa şirkətləri ilə istehlakçıları üçün daha əlverişli qiymətlər yaradacaq. Onun sözlərinə görə, bu addım Aİ ilə ABŞ arasında birgə bəyanat çərçivəsində götürülmüş öhdəliyin yerinə yetirilməsidir və transatlantik tərəfdaşlığın əhəmiyyətini bir daha nümayiş etdirir.

Qeyd edək ki, qərar ötən il ABŞ Prezidenti Donald Trampla Ursula fon der Lyayen arasında əldə olunmuş ticarət sazişinin tərkib hissəsidir.

Sazişə əsasən, Avropa İttifaqı ABŞ sənaye məhsullarına tətbiq olunan idxal rüsumlarını ləğv etməyə, həmçinin ABŞ kənd təsərrüfatı məhsulları və dəniz məhsulları üçün bazara güzəştli çıxış imkanı yaratmağa razılaşıb. Bunun qarşılığında Brüssel Avropa İttifaqından ABŞ-yə ixrac olunan əksər məhsullara tətbiq edilən 15 faizlik gömrük rüsumunu qəbul edib.

🖨 Çap et

12:57 01.07.2026

Oxunuş sayı: 53