Oman Hörmüz boğazında müvəqqəti dəniz dəhlizi yaratdı
Oman Sultanlığı İranla əvvəlcədən məsləhətləşmədən Hörmüz boğazının cənub hissəsində müvəqqəti dəniz dəhlizinin yaradıldığını elan edib.
Crossmedia.az xəbər verir ki, son dövrlərdə bir sıra gəmilər Omanın ərazi sularından istifadə etməklə boğazdan keçsələr də, bu hərəkətlər rəsmi şəkildə koordinasiya olunmadığından toqquşma və qəza riskləri yaranıb. Bu səbəbdən Oman tranzit keçidlərini tənzimləmək üçün rəsmi marşrut planı hazırlayıb.
Bildirilir ki, bundan sonra İranın İslam İnqilabı Keşikçiləri Korpusu (SEPAH) Omanın nəzarətində olan hissədən keçən bəzi gəmilərə müdaxilə edərək onları geri qaytarmağa çalışıb. İran tərəfi isə Hörmüz boğazından keçidin yalnız özünün müəyyən etdiyi marşrutlar üzrə həyata keçirilməsində israrlıdır.
Qeyd edək ki, Hörmüz boğazı dünya enerji ticarəti üçün strateji əhəmiyyət daşıyan əsas dəniz yollarından biridir.
23:15 25.06.2026
Oxunuş sayı: 40
